شو رآيكم بهــآلكلـــآم ؟! ..

#1 2010-07-24, 09:06 AM

السلــــآم عليكم خوآني وخوآتي ..

همممـ .. الي تعبــآن بروحه يظهر خخ ^^ ..

بغيت بس اشوف شو رآيكم .. ف هــآلجمله :( ..

" لا تغرك البنت وتقولك حبيبي أحبك و ما أخونك ،،،،.ياقلبي البنت خانت أهلها شلون تبغاها تصونك.... !! "

ليش دآيمــآ يحطون ع البنـــآت ..؟! ..

اوكي .. يمكن انــآ مــآحب ..

بس عندي ربيعــآت يحبن ..

وآشوووف انه حرآآآآآآآم ينقــآل عنهن جيه !! ..

مــآعرف صرآحه ..

هن غلطــآنــآت 100% .. انــآ هب معــآهن ..

بس مــآدري .. مب لهــآلدرجه يعني !!!!!

مــآدري خوآني .. ابغي رآيكم انتوو ..

وبليييييييز خلوو عنكم اسلوب المثــآليه :( ..

الي بيرمس خله يرمس بوآقعيه .. ويعطينــآ رآيه صدق !! ..

2010-07-24, 01:19 PM

هي هاا المقوله تمشي ع البعض --" وللاسف

شي واحد لازم الكل يعرفه

فـ ها الدنيا و ها الزمن

خاصه القرن 21

كل شي موجود

لا تقولون مافيه حب ولا تقولون مافيه خيانه

انا بعيني اشوف

ها الي يحب وها الي يخون وها الي يسوي و الي و الي

خخخ وانا مجرب الخيانه صراحه --"

هممم

النقاش فـ ها الشي ما بييب نتيجه

لان الشي ثابت اصلا

50% هي و 50% لا

ما اقولج مب موجود بالعكس موجود ووايد سمعنا و قرينا و شفنا ..

اند ثانكسيووو

2010-07-25, 12:02 AM

اني نرمس عن الحب

شو يعني و شو غايته

شي ثلاث انواع حسب راي و بقولهم بصرااحة تاامة

حب صادق و الي فيه تكون الغاية الزواج و اكمال نصف الدين

حب الشهوة و الي يكون هم الشخر انه يسوي كذا و كذا و الحشمة على جميييع المسلمين

حب اللعب و الي يكون الاخ يقص على بنت الناس انا احبج و مناك كلام فاضي

يوم بحب
بشوف بنت محترمة و اخلاقها عالية و اركز على دينها و تمسك به
والله شفتها و حبيتها
يعني اذا حبتني تكون خاينة ؟؟

الحب محد يقدر يهرب منه
لو يا على شخص
مهما كان متمسك
يصيبه الحب
و لكن بحدود على امل بإذن الله ربي يجمع ها الشخصين و يتزوجون
و ربي ما يخيب امل اثنين ولو يحبون بعض
انهم تكون نيتهم لوجه الله في الزواج على سنة الله و رسوله

انا ويا ها الحب
و ضد هاي المقولة

يعني الحين كيف والله البنت خانت اهلها
جيه هي تزوجتهم يعني ؟؟؟؟!!!

كلام فاضي

و ثاني شي مثل ما قلت الحب محد يشرد منه
ولو شو ما صار
الا ما رحم ربي

ثانكس على الطرح اختي

2010-08-01, 12:50 AM

صح كلامج انا احس انهم يعممون ويظلموون البنات كلهم وبنت عن بنت تفرق
يسلموو

2010-08-01, 01:08 AM

اممم صح و مب صح

يعني اذا الواحد يه يحب اذا كانت بنت او ولد ... لازم البنت تتأكد من ها الولد مب خلاص حبته يعني تموت و تستوي جنها عميا و هو يقص عليها .. لازم تتأكد مره مرتين ثلاث حتى لو تأكدت لازم بين فتره و فتره تختبر ها الحب إلي بينهم يمكن حبيبها مل منها تستوي على فكره ... و ممكن في شي هو إلي مخرب بينهم

و نفس الشي الولد لازم بتأكد من البنت دينها تمسكها به

جوفو البنت لو صدج خانت اهلها يعني طلعت ويا واحد ... انا احس إلي تطلع ويا واحد غريب هاي هي إلي نقدر نقول عنها خاينه لاهلها و لشرفها اصلا ..

لكن لو مثلا بنت ترمس ولد و رمستهم بحدود حبهم و هو يباها على سنة الله و رسوله .. و ما يسون شي غلط غير انهم يرمسون بعض .. فهذا ما يعتبر خيانه ..

و على فكره ممكن البنت تغلط حتى لو ما كانت تحب .. ممكن حياتها يعني مثلا وحده تدش النت و تنشر صورها يعني ها الشي ما يعتبر غلط ... خليتو كل الاغلاط و كل الاخطاء و وقفتو عند لما البنت تحب !!!!

انا بقولكم نصيحه اتمنى تستفيدون منها ::: في ها الزمن لازم نحذر من اقرب الناس لنا حتى اهلنا .. والله الدنيا ما قامت فيها امان حتى من الاهل ..

وااايد تستوي [فقط الاعضاء المسجلين هم من يمكنهم رؤية الروابط. اضغط هنا للتسجيل] هاي الايام الاهل شو يسون بعيالهم ...

زمنا هذا استوى الكل ما يجوف غير مصلحته وين و اي حد يقدر يخون إلي يحبهم عشان مصلحته

يعني يا حلوه و يا حلو لازم تنتبهون لازم نحافظ على عمرنا بأنفسنا .. مب اهلنا هم إلي بيحافظون علينا

ممكن جدا يكونون اهلنا مب اوك بس نحن نقدر نسيطر على عمرنا و نستوي احسن عن اهلنا

الله خلق لكل انسان عقل عشان يفكر فيه مب يخلي غيره يفكر بدال عنه

اخر شي بقول انه الحب مب حرام و لا عيب .. الحب لو كان حرام و عيب كان دينا حرمنا منه و حذرنا منه ..

اتمنى اكون ساعدتكم و اتمنى نصيحتي تكون وضحت ...

مشكوره اختي على هالموضوع الحلو

اتمنى الكل يتفاعل و يقول رايه يمكن نقدر نغير فكره منتشره ولو نغيرها في شخص واحد بنكون سوينا انجاز ^.^

و اتمنى نجوف يديدج خيتو من ها المواضيع الحلوه

أدوات الموضوع
مشاهدة صفحة طباعة الموضوع أرسل هذا الموضوع إلى صديق
انواع عرض الموضوع
العرض العادي الانتقال إلى العرض المتطور الانتقال إلى العرض الشجري

شو رآيكم بهــآلكلـــآم ؟! ..

للمزيد من مواضيعي